Toulouse Business School (TBS) სამმაგი საერთაშორისო აკრედიტაციის (EQUIS, AMBA და AACSB) მქონე ბიზნეს-სკოლაა. სამმაგი აკრედიტაცია მსოფლიოში არსებული ბიზნეს სკოლების მხოლოდ 1%-ს აქვს. TBS აგრეთვე არის ერთ-ერთი პრესტიჟული ფრანგული “Grandes Ecoles de Management”-ის ჯგუფის წევრი.
ბიზნეს-სკოლა 1903 წელს დაფუძვნდა ტულუზის სავაჭრო-სამრეწველო პალატის მიერ, ამჟამად მას სამი კამპუსი ააქვს: ბარსელონაში – ესპანეთში, საფრანგეთში – ტულუზაში და მაროკოში. სკოლის ტრეინინგ ცენტრები არის პარიზშიც და მისი კურსდამთავრებულთა რიცხვი 35 000-ს აღწევს. ყოველწლიურად მის კამპუსებში 4500-ზე მეტი სტუდენტი სწავლობს. TBS-ს შესანიშნავი აკადემიური რეპუტაცია ააქვს – 2023 წლის Financial Times-ის რეიტინგის მიხედვით იგი 37 ადგილს იკავებს მსოფლიოში და ყოველწლიურად შედის საფრანგეთის და ესპანეთის ათეულში.
TBS Barcelona – ბარსელონას ისტორიულ ცენტრშია განლაგებული, მის თანამედროვე კამპუსში თქვენ შეგიძლიათ ისწავლოთ ინგლისურ ენაზე (პროგრამაში შედის მეორე უცხო ენის შესწავლაც) და მიიღოთ განათლება, რომელიც პირველ რიგში ბიზნესის რეალურ საჭიროებაზე და მოთხოვნებზე არის ორიენტირებული. ბიზნეს-სკოლას 170 უნივერსიტეტი პარტნიორი აქვს მსოფლიოს სხვადასხვა ქვეყნებში და სტუდენტებს საშუალება აქვთ ისწავლონ სხვადასხვა კამპუსებში. მაგალითად – პირველი წელი ბარსელონაში, მეორე წელი პარტნიორ-უნივერსიტეტში სხვა ქვეყანაში, მესამე – ბიზნეს სკოლის კამპუსში საფრანგეთში, ტულუზაში.
საბაკალავრო პროგრამის მსვლელობისას სტუდენტებს სამი სტაჟირება აქვთ (ჯამში 12 თვემდე ხანგრძლივობის). TBS-ს აქვს სპეციალური განყოფილება, რომელიც სტუდენტური სტაჟირების მუდმივ მონიტორინგს ახორციელებს, ამასთან პირველივე დღიდან სტუდენტები ჩართულები არიან ე.წ. Career Starter პროგრამაში, რომელიც ეხმარება მათ ბიზნეს სამყაროში თავისი გზის განსაზღვრვაში და იმ პრაქტიკული უნარების განვითარებაში, რომლებიც შემდგომ დაეხმარებათ პროფესიული საქმიანობის დაწყებაში და კარიერულ ზრდაში.